10 көндә 12 һорау

Бөгөн район хакимиәте башлығы вазифаһын башҡарыусы Азамат Сәйфуллин кире бәйләнеш платформаһы аша килгән һорауҙарға тура эфирҙа яуап бирҙе. 10 көн эсендә районыбыҙ халҡынан үҙҙәрен борсоған 12 һорау килгән.
Һәр ваҡыттағыса иң борсоған һорауҙарҙың береһе – юлдар. Баба, Керәүле ауылдары юлдарына асфальт түшәләсәкме?
- Юҡ, асфальт көтмәгеҙ, әммә юлдарҙы ҡараясаҡбыҙ, ваҡытында ҡырсын түшәп, грейдерҙар үтәсәк.
Ермолаеволағы бассейндың ҡасан эшләп китеүе лә барыһын да борсоно. Был һорауға ла тулы яуап булды.
- Эштәр алып барыла, яңы подрядсы килде. Киләһе йылдың тәүге ярты йыллығында бассейнды асасаҡбыҙ.
Шулай уҡ киләһе ярты йыллыҡта Яңы Уралкаға газ үтәсәк, Урта Баба ла планда тора, был йүнәлеш буйынса ла эшләйбеҙ, тип ҡыуандырҙылар. Көнсығыш микрорайонына ҡасан һыу буласағы тураһында ла һоранылар. Унда ла экспертиза үткән, аҡса булғас та һыу үтәсәк тинеләр. Рөхсәтһеҙ сүплектәр һорауы буйынса ла эштәр яйлана, ула ҙа бөтөрөлөп бара.