Кинйәбай шуравийы

Совет ғәскәрҙәрен Афғанстандан сығарыуға 30 йыл тулыу айҡанлы, Кинйәбай башланғыс мәктәбендә Афған һуғышы ветераны, ҡәҙерле ауылдашыбыҙ Ишмөхәмәт Талип улы Ғәббәсовты уҡыусылар менән осрашыуға саҡырҙыҡ. Ул беҙгә интернациональ бурысын үтәгән совет һалдаттарының батырлыҡтары, һуғыш ваҡытында үҙ башынан үткәндәре тураһында фәһемле итеп һөйләне. Осрашыу балаларға бик тә оҡшаны.