+21 °С
Облачно
Ерҙәребеҙ, һыуҙарыбыҙ
14 Сентября 2021, 12:12
Зыярат ғәме
Сынтимер Мөрсәлимов:- Йыйылыш булыр алдынан һәр йортҡа кереп, халыҡты иҫкәртеп сыҡтым. Барлығы 81 кеше йыйылды. Аллаға шөкөр, ауылдаштарыбыҙ был программала ҡатнашып, зыяратыбыҙ кәртәләрен тәртипкә килтереүҙе бер һүҙҙән хупланылар. Программаға ярашлы инициатив төркөм дә һайланды йыйылышта. Мине рәйес итеп ҡуйҙылар, шулай уҡ эштәр барышы тәртиптә барһын өсөн Минзәлә Ишбаеваны, Рәжәп Балхиевты, Хәмит Юлсуринды, Минзиә Ишбаеваны ла төркөмгә кереттеләр.
Зыярат ғәме
Әлегә ППМИ-ла үтәсәкбеҙме юҡмы, нисә һумдан йыйылырға кәрәк буласағы ла билдәһеҙ. Шулай ҙа ауылдаштарыбыҙ менән һәр йорттан 3-әр мең һум йыйылышырға һөйләштек. Шулай уҡ ситтә йәшәгән ауылдаштарыбыҙ ҙа, балаларыбыҙ ҙа ярҙам итәсәктәр. Аҡсалар ауылыбыҙҙың имам-хатибы Рәжәп Балхиевҡа тапшырылып бара. Яйлап йыйыла башланы ла инде. Әгәр ҙә ППМИ-ла үтә алмаһаҡ та, был аҡсалар иҫәптә буласаҡ һәм йыйылған сумма, бер һүҙһеҙ, зыяратыбыҙҙы төҙөкләндереүгә йүнәлтеләсәк. Шулай, ятып ҡалғансы, атып ҡал тип тырышып йөрөйбөҙ.
Яманғол йыйылышы хаҡында материал бөгөн гәзиттә баҫылды.
