+14 °С
Дождь
Ерҙәребеҙ, һыуҙарыбыҙ
16 Сентября 2021, 10:19
Эштән айырған өсөн рәхмәт
Айҙар Исхаҡов, район башлығының төҙөлөш буйынса урынбаҫар вазифаһын башҡарыусы, әллә беҙҙе юрамал сығарып ебәрҙе: Шотт паркының иң матур ерҙәрен фотоға төшөрөгөҙ әле минең өсөн. Компьютер, һалҡын стеналарға ҡарап тик ултырып ҡатмаһындар, донъя йәмен күреп ҡайтһындар тигәндер, беҙҙе ҡайғыртыуы булғандыр,
Эштән айырған өсөн рәхмәт
Парктың ҡайһы ере матур - әйтеүе ауыр, уның ниндәй мөйөшөнә барма, хозур, тәбиғәте менән һушты ала. Һауаһын еҫәһәң, баштар әйләнеп китә - нимә генә тимә, тормош ныҡ матур, ҡай саҡ уны күрә белмәйбеҙ йәки күрергә ваҡыт тапмайбыҙ - мәшәҡәттәр беҙҙе шулай гүзәллектән мәхрүм итә.
Төшөрҙөк. Фотокорреспондент һәләте бик юҡ, махсус уҡыу йорттары бөтмәнек, булдыра алғанса, тырыштыҡ. Арыу ғына килеп сыҡты һымаҡ, әрләһәгеҙ-әрләрһегеҙ, Айҙар Тимерханович, ә беҙ һеҙгә рәхмәтлебеҙ - аҙ ғына ваҡытҡа булһа ла, көҙгө моңға мансығанығыҙ өсөн рәхмәт.
