Тимур Иҙрисов, район Хакимиəте башлығының иҡтисад, инвестициялар һəм эшҡыуарлыҡ буйынса урынбаҫары:
- Һəр кеше үҙ исеменə ике ярым гектарға тиклем ерҙəрҙе аукционһыҙ теркəй ала, ул ерҙəр өсөн йыллыҡ һалым күп түгел, яҡынса 600- 700 һумдан артмай. Һеҙ юллап алған ерҙəргə инвесторҙар килеп умарталарын ҡуя алмаясаҡ. Миҫалға, ҡасандыр Башҡорт лимузины компанияһы килеп ерҙəр һорағанда, картаны асып күрһəтеп, был ерҙəрҙең хужаһы бар тип, ерҙəребеҙҙе бирмəй алып ҡала алдыҡ...
Миниғужа Рыҫҡолов, умартасы, Яңы Таймаҫ ауылы:
- Халыҡ сит ил кешелəрен, уларҙың ҡорттарын үҙ ерҙəренə индереүгə риза түгел, əлбиттə. Аллаһы Тəғəлə тəбиғəтте климатына яраҡлаштырып, һəр яғын теүəл тура килтереп яралтҡан. Ҡорттарҙың да сығышы ҡайҙа, шул тыуған ерҙəрендə йəшəргə тейештер тип уйлайым...
"Француз" ҡорттары Көйөргәҙе ерен баҫып алырмы, был турала күҙаллау йома һанында гәзиттә тулыһынса баҫылды.