+23 °С
Облачно
Иғтибар
30 Апреля 2021, 07:40
Ҡыҙ эҙләү
"Жди меня" тапшырыуын ҡарарға ярата инек элек, кеше яҙмыштары, сыуалыштар, ғауға... Хәҙер бик ҡарап та бармайбыҙ уны, үҙебеҙҙең тормошта ғибрәттәр етерлек. Әле генә редакцияға бер бабай керҙе. Иғлан бирергә. Кәзә һатам, бисә эҙләйем тигәнгә күнегелгән, тик был бабай аптырашта ҡалдырҙы: ҡыҙ эҙләйем. Оло кешенең йәштәргә тартыла башлауы тәбиғи хәл, үлергә ятҡан ҡарт та "Ҡыҙ, ҡыҙ" тип ята ти, шуны уйлап, оло кешегә һоҡланып, хатта көнләшеп ҡарап ҡуйҙыҡ: ну, бабай, дәрт тә икән үҙеңдә.
Жди меня тапшырыуын ҡарарға ярата инек элек, кеше яҙмыштары, сыуалыштар, ғауға... Хәҙер бик ҡарап та бармайбыҙ уны, үҙебеҙҙең тормошта ғибрәттәр етерлек.
Әле генә редакцияға бер бабай керҙе. Иғлан бирергә. Кәзә һатам, бисә эҙләйем тигәнгә күнегелгән, тик был бабай аптырашта ҡалдырҙы: ҡыҙ эҙләйем.
Оло кешенең йәштәргә тартыла башлауы тәбиғи хәл, үлергә ятҡан ҡарт та ""Ҡыҙ, ҡыҙ тип ята ти, шуны уйлап, оло кешегә һоҡланып ҡарап ҡуйҙыҡҙ ну, бабай, дәрт тә икән үҙеңдә.
Тик был ни, ысын, үҙенең ҡыҙын эҙләй икән. Үҙе тапҡанын.
Өс балалары бар. Өсөнсөһө, бәләкәйе, малай, ҡалған икәүһе ҡыҙ. Үҙҙәре Мәләүездән, аҙаҡҡы ир енесенән булған бәпәйен табырға тип ҡатыны Күмертауға килә. Таба. Унан бирле әллә күпме һыуҙар аға, һәм бына килеп, әле бабайҙа шик тыуа: өсөнсө бала малай булмаған, ҡыҙ булған, тик ҡатыны уны кем менәндер алмашҡан. Тегегә ҡыҙ кәрәк булған, быға - малай, өйҙә ике ҡыҙы бар бит инде, ғаиләгә ир заты кәрәк. Талаш-тартҡылаш булғандырмы, нимә булғандыр, ике кеше араһына инеп ҡара, аҙашырһың, ҡыҫҡаһы, бер мәл ҡатыны быға әйтә: бар, тап үҙеңдең биологик ҡыҙыңды. Бабай сығып киткән шунан ғәзиз балаһын эҙләргә. Беҙгә кергән. Беҙ ДНК түгел, башҡа төрлө эҙәрлекләү таланты ла юҡ,
Ошолай иғлан ғына бирә алабыҙ.
1980 йылда, Күмертау бала табыу йортонда, 24 майҙа тыуған ҡыҙ балалар тауыш бирһен. Ошо көндә тыуған ҡатындар, улай-былай шигегеҙ булһа йәки бабайҙы тынысландырыр өсөн генә ("минең әсәйем үҙемдеке, алмашмағанмын") уға шылтыратығыҙ: 8 917 479 78 14.
