+17 °С
Дождь
Иғтибар
19 Декабря 2021, 04:31
Йәш, дәртле, үҙе - Баймаҡ
"Ҡыҫҡанға былтыр, ҡысҡыралармы быйыл" тигән атаҡлы һүҙҙәрҙе иҫтә тотоп эшләргә тырышабыҙ, юғиһә, ҡай саҡ: әле булып өлгөрмәгән, ә яҙып та ҡуйғанһығыҙ тиҙәр.
Йәш, дәртле, үҙе - Баймаҡ
Мәҫәлән, районға яңы башлыҡ килерен белер-белмәҫтән Юлай Ильясовтың фотоһын, тәржемәүи хәлен бирҙек - таныша торорғоҙ. https://vk.com/yshatir?w=wall-33983974_16098 Нимәгә ул тигәндәр аҙағыраҡ аңланы.
Бына бөгөн дә таныша торорғоҙ тибеҙ. Тимербулатов Шайморат Азамат улы, Баймаҡ районы Янғазы ауылы егете, әле Иглин районында йәшәй, Өфөлә лицей директоры урынбаҫары булып эшләй, педагог... Уңарсы Баймаҡта, Сибайҙа, Рәми Ғарипов гимназияһында, хатта Күҙ ауырыуҙары институтында эшләп өлгөргән.
Рөстәм Баянов кисә: мин Күмертау, Көйөргәҙе егете булмаһам да, гел арттан күҙәтеп тораһығыҙ тигәйне. Беҙҙең ерҙә эҙ ҡалдырған кеше, ул ҡайҙа тыуыуына ҡарамаҫтан, беҙҙең өсөн мөһим. Шайморат Азамат улы менән дә шулай булыр тип ышанабыҙ - йәш, дәртле, етмәһә, Баймаҡ.
