Бөтәһе лә шул көйө

Һүҙең, үҙең барыбер йәшәй. Онотҡан юҡ. Йырҙарың йырлана. Мәктәп балалары ла, ололар ҙа, һиңә арнап, төрлө сара үткәрә, кино төшөрәләр. Ейәнең, үҙеңә оҡшап, башлы егет күренә, кемдер Башҡортостанға етәксе булып та ҡайтыр әле тип көтә, шиғри күңелле кеше тип өмөтләнеүҙәрелер. Был һиңә булған һөйөү, һиңә булған ихтирамдан килә. 
Барыһы ла шул уҡ, шул уҡ кешеләр, шул уҡ елдәр иҫә, гөлдәр үҫә, бына япраҡтар ҡойолор мәлгә аяҡ баҫтыҡ. Мөхәббәт тә шул уҡ. Йөрәктәр бер-береһе менән йышыраҡ төнөн генә һөйләшә, йыһандың һөйөү сәғәте үҙгәрмәгән. Барыһы ла шул көйө. Һиңә булған ихтирам-һөйөү менән дә шул уҡ - һаман яратабыҙ.

Тыуған көнөң менән.