Аңлатып бөтөрлөк түгел

Уларҙы алыҫтан уҡ танып була: ҡайһылары хәрби кейемдәрен сисмәй йөрөй, сискән хәлдә лә, үҙҙәре танылып торалар - күҙ ҡараштарынан. Моңһоу тип әйтһәң, бәлки, дөрөҫ булмаҫ, уйсан. 

Сираттағы егет менән һөйләшәбеҙ (шеврон уныҡы). Күмертау егете ул. 

- Балаларымды күрәм тип ашҡындым, тәү сиратта уйымда улар ине, ҡайтып ингәс тә, бәләкәсе ҡапыл ғына танымай торҙо (үҫкән үҙе, тфү-тфү), ҙуры йүгереп килеп алдыма ултырҙы. Бында йөрөгәндә, тыныс тормошта, туғандарҙың ҡәҙерен бик белмәгәнмен икән тип ҡуям, әле һәр береһен ҡыҫып ҡосаҡлағы килә, һәр береһе шул тиклем яҡын - әйтеп аңлата ла алмайым. 

Шевронындағы яҙыу ябай яҙыу ғына булмаһын ине, һеҙҙе илаһи көстәр бер ҡасан да ташлап китмәһен, егеттәр! 

Бөгөн редакцияға ялға ҡайтҡан һалдаттар килергә йыйына - быныһы һуңыраҡ.