Ҡайтығыҙ тиҙерәк!

Бындағы барлыҡ эштәрҙе урынбаҫары Тимур Иҙрисовҡа туғарып китте. Шулайтмай булмағандыр ҙа, башҡорт үҙе барып тотоп ҡарамаһа, ышанмай тиҙәр.
Көйөргәҙе районы башлығы Юлай Ильясов гуманитар конвой машинаһына, башҡалар менән бергә, ултырып киткәйне. Йөк имен-аман барып еткән, бүләкте алып ҡыуанған һалдаттар (Тыуған ил күстәнәсе, туғандар йылыһы!) беҙгә күп сәләмдәр әйтеп ебәргән. Рәхмәт, малайҙар, сәләмегеҙҙе алдыҡ, хәҙер үҙегеҙҙе көтәбеҙ. Ҡайтығыҙ тиҙерәк.