Хыялы тормошҡа аша

Яманғолда элекке Райпо магазинының исеме генә магазин булып ҡалды. «Бинаһы шәп, бирәбеҙ тигәс, ала һалдыҡ, ниңә әрәм булып тора», - тип килешкәндәр ҙә магазинды Райпонан һатҡан да алғандар - яманғолдар булғандың ҡәҙерен белә торған кешеләр, әрәм-шәрәм итергә яратмайҙар. 250 меңгә төшкән ул. Һатып алғандар, тигәс, Руслан Дәүләтшин исемле егет һатып алған. Әсәһе Гөлгөнә апай әйтмешләй, улы электән үк мәсет төҙөргә хыялланған, ауылда эскелек кәмер, халыҡ әҙәпкә нығыраҡ ултырыр, тип ниәт иткән ул. «Аҡса яғынан ҡыйыныраҡ бит инде, Руслан Себерҙәге дуҫтарына: «Ауылға мәсет кәрәк, мәсет асам, ярҙам итегеҙ», - тип мөрәжәғәт итте. Улар ихлас берҙәм ярҙам күһәтте. Ә ауыл кешеләре инде йыйыштырып, ағартып, эшкиндереп алдылар. Элек Ҡорбан байрамы мәктәптә үткәрелә ине, был юлы, 3 көн эсендә йыйыштырып, йыуып, үҙебеҙҙең мәсеттә үткәрҙек, Аллаға шөкөр» - тип ҡыуана Гөлгөнә апай.