Ауылдарға ҡот ҡайтһын

Арыҫлан-Əмəкəс ауылындағы мəсет төҙөлөшө 2019 йылда башланды. Өс бер туған Ришат, Илдус һəм Илшат Əмəкəсовтар кəңəшлəшеп, ауылға мəсет кəрəк тип уйлашҡандар. Оло ағайҙары Ришат мəсет нигеҙенə аҡса биргəс, Илдус һəм Илшат кирбес, профнастил, ҡаҙау-таҡта, бинаны йылытыу материалдары һатып ала. Ҡул көсө кəрəккəндə кеше яллап та, ауыл халҡының ҙур ярҙамын да күрə улар. Əлеге ваҡытта, мəсет манараһын күтəреү, эске эштəр бөтөп бара. Мəсет стеналары тигеҙлəнеп, ағартылған.