+23 °С
Облачно
Иман
6 Мая 2021, 02:52
Тормош дауам итә
Тормош үҙ яйы менән аға, изге айыбыҙ ҙа аҙағына яҡынлаша. Кисә Рамаҙан мәсетендә ифтарҙың сираттағыһы- 24-һе булды. Был кистәрҙә мәсет халыҡтың иң күп йөрөгән еренә әүерелде, үҙ күҙҙәребеҙ менән күрҙек: халыҡ дингә ныҡ тартыла.
Һәр ифтарҙы кемдер үткәрә, йәғни, аҡса бирә- аҙыҡ-түлеккә (уныһына хаҡ, етмәһә, көндән-көн арта). Район башлығы бер ифтарҙы үткәрҙе, урынбаҫары ла шулай итеп изге эш ҡылды. Кисә Азамат, Вилдан һәм Азат исемле уҙамандар - йәштәр - халыҡҡа ауыҙ астырған. Рамаҙан аҙағына яҡынлаша, ә тормош дауам итә, киләсәктә лә, ифтарҙа ғына түгел, ҡәҙимге кис-көндәрҙә лә изге урыныбыҙҙа йышыраҡ осрашырға яҙһын ине.
