+23 °С
Дождь
Иман
30 Мая 2021, 06:30
Күңел йыуана
Таймаҫ зыяратында өмəлəр һаман тынмай. Изге урындың тирə-яғын, ҡəберлектəрҙе тəртипкə килтереү 30 апрелдə башланғайны. Май башында дүрт көн буйына барған өмəлəрҙə, кеше бик күп ҡатнашыуы күңелгə йыуаныс бирҙе. Əле лə өмəлəр дауам итə, көн дə тиерлек зыяратта кешелəр күренə, уларҙың да изге эш ҡылыуҙары ҡыуандыра.
Мəңгелек йортто таҙартыуҙа ауылыбыҙ халҡы ғына түгел, ə ситтə йəшəүсе ауылдаштарыбыҙ ҙа əүҙем ҡатнашты. Был изге эштəрҙəн һуң ауылыбыҙ зыяраты таҙартылып, матур, күркəм булып ҡалды. Əруахтарыбыҙ рухы ла был күренештəн шатланғандыр. Оҙаҡламай тағы өмə яһап, тəртип ойошторолғанда йыйылған сүп-сарҙарҙы түгеп тə ҡуйырға планлаштырабыҙ.
Салауат СОЛТАНГƏРƏЕВ, Таймаҫ ауылы ветерандар советы рəйесе
Хат тулы килеш гәзиттә баҫылды.
