Һөйөнсө!

Һөйөнсө, һөйөнсө, мосолман ҡәрҙәштәр! Арыҫлан-Әмәкәс ауылында мәсет асыла! Ошо ҙур шатлығыбыҙҙы уртаҡлашыу өсөн 11 сентябрь көнө сәғәт көндөҙгө 12-лә райондаштарыбыҙҙы саҡырабыҙ.
Ололар ҙа, йәштәр ҙә был көндө түҙемһеҙләнеп көттө. Беҙ ҙә хәҙер байрамдарыбыҙҙы рәхәтләнеп иман йортонда үткәрәсәкбеҙ, Алла бирһә. Байрам етә башлаһа, кем өйөн бирер икән тип, баш вата торғайныҡ.
Мәсетте бөтә көсөн биреп, туғандарын, ауылдаштарын йәлеп итеп Илдус Рәшит улы Әмәкәсов урыны-еренә еткереп, барыбер һалдырып ҡуйҙы бит. Уға һәм мәсет төҙөүҙә ярҙам иткән барсаһына ла рәхмәттәребеҙ сикһеҙ.
Бергә булайыҡ, берҙәм булайыҡ, ҡәҙәштәр, диндәштәр! Ауырыуҙарҙы, тәбиғәт афәттәрен еңеү өсөн күмәкләп доғалар ҡылайыҡ. Имен-һау булайыҡ, бер-беребеҙҙең шатлыҡлы мәлдәрен уртаҡлашып, уңыштарына һөйөнөп йәшәйек, тип ағинәйҙәр исеменән Зөләйха ҒАФАРОВА.