Күмертау, Көйөргәҙе, Мәләүез, Күгәрсен, Стәрлетамаҡтан килгән әллә күпме гүзәл зат менән тулған. Бөгөн бында муниципаль-ара Ҡөръән ятлаусылар бәйгеһе. Һәммәһе 50-гә яҡын ҡатын-ҡыҙ һананыҡ, йәштәре төрлө, һөнәрҙәре төрлө, уларҙың барыһын дин берләштерә.
Күмертау ҡалаһы һәм Көйөргәҙе районы имам-мөхтәсибе Айнур Ҡәҙимов, сараны асып, ошолай тине:
- Йәмғиәттә ҡатын-ҡыҙҙың тотҡан урыны баһалап бөткөһөҙ. Һеҙ - әсәләр, апайҙар, һылыуҙар, ҡәйнәләр, өләсәйҙәр - беҙҙең динде, әхлаҡты, дөрөҫ тәрбиәне бирә-тарата торған иң изге сығанаҡ.
Ҡөръән ятлаусыларҙы баһалар өсөн махсус жюри ҙа бар. Аҙаҡ урындар билдәләнәсәк. Маҡтау ҡағыҙҙары, бүләктәр тиҙҙән буласаҡ дини һабантуйҙа тапшырыла.