Шулай булғас, мәсетебеҙ, һис шикһеҙ, бөхтә, таҙа, матур булырға тейеш. Һәр килгән кешенең, ҡапҡа аша үтеү менән, күҙҙәре ҡыуанһын. Беҙҙең апай-инәйҙәр бигерәк өлгөр, гел генә мәсетте йыйыштырып торалар. Ә бында эш күп, мәсет үҙе лә ҙур ғына, уны йыуып сығырға кәрәк, ишек алдында сәскә түтәлдәре лә бар - уларҙы тәрбиәләү мотлаҡ.
Кисә йәнә барҙы мәсеткә апайҙарыбыҙ. Үҙҙәре йыйыштырып йөрөй, үҙҙәре ҡыуанып йөрөй: әйтерһең, иҙәндең бысрағын йыумай, ә бәндә күңелендәге керҙәрҙе йыуа.