https://youshatir.ru/articles/iman/2022-09-07/yulsylar-a-iman-t-r-2938961
Динде дин итеп белгән кеше өсөн был мәсеттең асылыуы оло ваҡиға, иманға баҫҡан бәндәләр күп, юлда ла улар күп йөрөй. Тимәк, был мәсет ундай мосафирҙар өсөн ныҡ кәрәк иман йорто.
Модуль мәсет булды ла, уны алып килеп ултырттың да эше бөттө түгел, изге йортобоҙ гел таҙа булырға тейеш. Кисә өс мөслимәбеҙ Бабайға юл тотто. Яңы мәсетте йыйыштырып, йыуып ҡуйҙылар. Алина, Алһыу, Гөлназ. Әйткәндәй, был мәсеттең таҙалығы өсөн яуаплы кешеһен дә тапҡандар: Гөлназ Уралбик ҡыҙы. Артабан да аҙнаһына бер тапҡыр Бабай мәсетен тәрбиәләп торасаҡтар.
Нимә тип әйтәһең, афарин, ҡыҙҙар. Мәсетебеҙ ҙә, күңелдәребеҙ ҙә гел таҙа торһон.