ЯҢЫ ЗАВОДЛЫ БУЛМАҠСЫБЫҘ

Төҙөүселәр көнө байрамы алдынан Күмертау ҡалаһы ҡала округы Хакимиәте башлығы Борис Беляев төҙөлөш өлкәһенә инвестициялар йәлеп итеү мәсьәләһе буйынса Ҡытай Халыҡ Республикаһы эшҡыуарҙары менән осрашты.

Һүҙ, башлыса, Күмертауҙа фиброцемент етештереү заводы төҙөү хаҡында барҙы. Сәй, фарфор, етен, дары уйлап тапҡан егәрле халыҡ яңы заводтар төҙөү өсөн урын эҙләй, һәм бына уларҙың күҙе тап беҙҙең Күмертауға төшкән. «2019 йылдың көҙөнә завод эшләп китер», - тине Борис Беляев менән һөйләшкәндә Хуан Шихуан исемле ҡытай вәкиле.