Иҫерткескә хаҡ арта

Яңы йыл башынан иҫерткес эсемлектәр өсөн күберәк түләргә тура киләсәк. 1 ғинуарҙан араҡы, коньяк, бренди һәм башҡа иҫерткес эсемлектәрҙең минималь хаҡы арта. Әлеге ваҡытта сауҙа селтәрҙәрендә араҡының бер шешәһе 215 һумдан кәм булырға тейеш түгел ине. Яңы йылдан был минималь сумма 230 һумға күтәрелә.
Коньяктыҡы әлегә 388 һумдан 433 һумға менә.
Хөкүмәт вәкилдәре хаҡтар артыуҙы контрафакт эсемлеккә ҡаршы көрәштә һөҙөмтәле алым тип аңлата.