+14 °С
Дождь
Ишеттегеҙме әле?
21 Апреля 2021, 03:17
Зирәк тауыҡ хужалары
Сүбең күбәйеп, уны ташларға урын таба алмаһаң, нимә эшләргә? Беҙҙең халыҡ - зирәк халыҡ, оҙаҡ баш ватып тормай, шунда уҡ уңайлы юлын таба. Ҡунаҡбайҙа берәүҙәр тауыҡ алған. Түшкәләрен. Һатырға. Алыуын алған да, ҡоштарҙы һатырға рөхсәт булмаған, ашамлыҡ бер секундта сүпкә әйләнгән - уларҙың бөтәһен дә үҙең ашап бөтә алмайһың да - ҡытҡылдай башлауың да ихтимал.
.
Зирәк тауыҡ хужалары ауыл ситендә соҡор ҡаҙа ла, түшкәләрҙе шунда ташлай. Нет тела - нет проблем. Тик бындай эште нисек кенә тәрәнгә күммә, барыбер беленә. Беләләр. Полиция , ветеринария килеп етә һала, билдәле, ауыл хакимиәте лә соҡор янында аптырап баҫып тора.
Әле тикшереү бара, кем, ниңә, ни өсөн икәне тиҙҙән асыҡланыр. Ауыртмаған башҡа тимер таяҡ - ауыл хакимиәте төнө буйы бында ҡарауыл ҡуйырға мәжбүр булған, этме, кем түшкәләргә тейеп ҡуймаһын, зарар таралыуы ихтимал.
Гәзиттә был турала материал тулыраҡ булыр.
