+23 °С
Облачно
Ишеттегеҙме әле?
10 Сентября 2021, 08:06
Дүшәмбе - шәп көн
Күпте күргән халыҡ беҙ. Артистарҙың да төрлөһөн күрҙек. Бер юлы Бабкина килеп һушты алғайны, унан тыш та Күмертау күгендә төрлө "йондоҙҙар" балҡығаны булды: әллә нисәнсе составы менән Мираж төркөмө һуғылып аҡса эшләп китте, мәҫәлән. Тик, барыбер, бындайҙы күргән юҡ ине ахры. Дүшәмбе көнө ҡалабыҙ ҙур сәхнә майҙанына әйләнәсәк. Тамашаны алып барыусы Д. Харатьян үҙе була, уға күҙе төшөп йөрөгән ҡыҙҙар хәҙер үҙҙәре ейән яратып ултыра инде, шулай ҙа гардемарин әлегә төҫөн юғалтмаған.
Дүшәмбе - шәп көн
Асҡар Абдразаҡов була, Азат Биксурин ҡурай уйнай, Зәйнетдин, Рөстәм Ғизәттулин, Раил Өмөтбаев, эштәренән бушай алһа, Юлъяҡшин да килеп сыҡмаҡсы икән. Артистар араһында Рәхимов тигәне лә бар (Мортаза түгел). Эш былай ҙурға киткәс, оло түрәләр ҙә буласаҡ, билдәле.
Ҡыҫҡаһы, дүшәмбене ауыр көн тиһәләр ҙә, был көн беҙҙең өсөн шәп булмаҡсы. Тамаша 17 сәғәт 30 минутта ҡаланың Совет майҙанында башлана.
