Юшатыр
-15 °С
Облачно
75 лет Победы
Все новости
Ижтимағи тормош
21 Января 2021, 11:52

Мораптал фәйләсүфтәре

Мәңгелек һорау: нисек итеп ғүмер буйы йәш ҡалырға? Береһенең дә ҡартайғыһы килмәй, шулай ҙа, тәбиғәткә ҡаршы барып булмай, бил бөгөлә, бит йыйырсыҡлана, сәстәр ағара. Мәңге йәш ҡалырға, ябай кеше генә түгел, фәләсүфтәрҙән алып, батшаларға тиклем тырышҡан, эликсир эҙләгән, ошо эликсирҙы табып эстинәһәң, гел йәш булып тик йөрөйһөң. Хәҙер төрлө әкиәттәргә ышаныу бөттө, кешеләр йәшлектәрен башҡасараҡ һуҙырға тырышалар, пластик операция яһайҙар, тәнен тарттырырға аҡсаһы етмәгәне, исмаһам, БАД булһа ла эсеп маташа. #Юшатыргәзите#Мурапталово#Годактивногодолголетия#Һаулыҡбайлыҡ

Мораптал ҡатындары, йыйылып, хәс тә боронғо фәйәсүфтәр һымаҡ, баш ватҡандар: нисек итеп йәш ҡалырға була? Дискуссия оҙаҡҡа киткән, кемдер спорт менән шөғөлләнһәң, йәш ҡалаһың тигән, кемеһелер яратҡан шөғөлөң булһа, һәйбәт тигән, кемдер асыуың килгән ваҡытта ла гел йылмайып йөрөһәң, мәңге ҡартаймайһың тип раҫлаған, бәғзеһе, ирең һәйбәт булһа, гел йәш көйө йөрөһөң тигән.
Мораптал ҡатындары ахырҙа бер фекергә килгән: әйтелгәндәрҙең барыһы ла дөрөҫ, һәм ошолай тигәндәр: беҙ барыбыҙ ҙа бәхетле ҡыҙҙар, тормошобоҙҙа спорт та бар, яратҡан хобби ҙа бар, өф итеп торған ирҙәребеҙ ҙә бар, тимәк, беҙ мәңге йәш ҡаласаҡбыҙ.
Читайте нас в