+13 °С
Ясно
Ижтимағи тормош
30 Мая 2021, 09:22
Өмөт әле һүнмәгән
Был заманда әллә кем шиғыр уҡып ултыра ти - бындай фекерҙе лә ишеткән бар. Китап уҡып, тамаҡ туямы? Советтар Союхы мәлендә, эйе, беҙ иң күп китап уҡыған халыҡ тип ғорурландыҡ, ул саҡты күпме һүкмә, барыбер, иртәгәге көнгә ышаныс ҙур ине, күңел тыныс, китаптарҙы йөкмәп йөрөп уҡыныҡ. Ә әле? Милләт нигеҙе - ауыл бөтә, телде белеүселәр ҡырҡа кәмей (Ҡоролтай: йыл һайын башҡорт телен белеүселәр һаны бер нисә тапҡырға (!) аҙая, тип белдерҙе). Бына был осраҡта ижад кешеһенә нисек булырға?
Өфөлә Яҙыусыларҙың ҙур форумы үтте. Беҙҙең район-ҡала әҙиптәре лә, әлбиттә, унда барҙы. Форумдың исеме лә заманына тап килеп тора: 21 быуат яҙыусыһы. Ул ниндәй булырға тейеш - был һорау, ә милли яҙыусыларҙы, беҙҙе кем уҡыр тигән һорау ҙа уйға һалғандыр.
Нисек булһа ла, яҡшыға өмөт итәбеҙ, шағир, яҙыусы исеме лә, есеме лә артабан йәшәр. Яҙыусыһы булмаған халыҡ халыҡ түгел, халыҡ үҙе булмаһа ла, башҡаһы кәрәкмәй, мәғәнәһе ҡалмай. халыҡ менән әҙип бер-береһенә ныҡ бәйләнгән - улар икеһе лә ҡулға-ҡул тотоноп, бик йыраҡтарға тиклем барыр әле. Ошо өмөт әле һүнмәгән.
