Хәс совет заманындағы кеүек

Юлай Ильясов бөгөн Радий Хәбиров алдында шулай уҡ район халҡының үҙәгенә үткән теманы ла ҡуҙғатты: ауылдарға автобус йөрөүе, дөрөҫөрәге йөрөмәүе. Былтыр, Р. Хәбиров ярҙамы менән, байтаҡ юлға ҡырсын түшәлде, Ермолайҙың Төнъяҡ микрорайонына һыу үткәреү эше лә бара. Бына автобустар менән әлегә бәлә. Радий Фәрит улы быйыл халҡы 500-ҙән артыҡ йәшәгән барлыҡ ауылдарға ла автобус йөрөтөү маҡсаты тора тип белдерҙе. Хәс совет заманындағы һымаҡ булырға тейеш (ул саҡта ауылға йөрөгән маршрут автобустарҙы хәтерләгеҙ), кеше район үҙәгенә, ҡалаға нисек барайым икән тип аптырап торорға тейеш түгел.