+14 °С
Облачно
Көнүҙәк мәсьәлә
19 Ноября 2021, 04:00
Артабан киттек
Ольга Алехина, дәүләт статистика бүлегенең Күмертау ҡалаһы буйынса белгес-эксперты:- Аллаға шөкөр, Халыҡ иҫәбен алыуҙы тамамланыҡ. Күмертау округына ҡараған бөтөн халыҡты иҫәпләп бөттөк. Проценттарҙа күпме кешене иҫәпләгәндәрен әйтә алмайым, шулай ҙа кампанияны яҡшы ғына башҡарып сыҡтыҡ. Тәүҙә күптәр бик асыулы ине, ишектәрен асманылар, ауырыу таратып йөрөйһөгөҙ тип, әрләп тә ебәрә алалар ине. Торараҡ эштәр һәүетемсә китте.
Артабан киттек
Ҡалала барлығы 149 иҫәп алыусы эшләне, уларҙан тыш, 15 контролер, 1 инструктор булды. Иҫәп алыусыларҙың кәйефтәре төрлөсә, ике студент ҡыҙыбыҙ бик шат - кергән һәр ерҙә яҡты йөҙ менән ҡаршы алдылар, сәй эсерҙеләр тип, эштәренән дә, халыҡтан да ҡәнәғәттәр.
вставка
Фәйрүзә Ғәлиәсҡәрова, район статистика бүлеге етәксеһе:
- Бөтә Рәсәй халыҡ иҫәбен алыу тамамланыуға шатланып ултырабыҙ. Өҫтөбөҙҙән ҙур йөк һәм яуаплылыҡ төшкәндәй булды. Был арауыҡта районда барлығы 39 иҫәпсе һәм 6 контролер эшләне. Иң мөһиме тыныс үтте: эт тешләмәне, кеше ташланманы. Тамамланыҡ, хәҙер эш һөҙөмтәләребеҙҙе күргебеҙ килә.
