Донбастан эвакуацияланған граждандар өсөн Башҡортостанда эш урындары әҙерләнгән

 Республика Ғаилә, хеҙмәт һәм халыҡты социаль яҡлау министры Ленара Иванова әйтеүенсә, мәҫәлән, УфаВита ойошмаһында 20 вакансия бар, эш хаҡы 40 мең һумдан артыҡ. Бөтөн республика буйынса алып ҡараһаң, хәлдәр ошолайыраҡ - эш бөтөн ерҙә бар. 

Башҡортостан 2 мең самаһы ҡасаҡты ҡабул итә. Улар ҡала-райондарҙағы дөйөм ятаҡ һәм шифаханаларға урынлаштырыла. Ғәҙәттән тыш хәлдәр министрлығының республика идаралығынан белдереүҙәренсә, Рәсәйгә Донбастан 91 меңдән ашыу кеше килгән. Ҡасаҡтарҙы илдең 43 төбәге һыйындыра.