+22 °С
Дождь
Хәтер
22 Июня 2022, 07:31
Көлөү тауыштары тынмаһын
Күмертау ҙа бөгөн бер минутҡа тын ҡалды.
Көлөү тауыштары тынмаһын
Һуғыш бөтөүгә нисәмә йыл үтһә лә, яралары уңалырлыҡ түгел. Ветерандарыбыҙ ҡалманы ла тиерлек, шулай ҙа, 22 июнь көнөн йыл да ошолай ҡаршы алырбыҙ, тарих хаталарын ҡабатламаҫ, зәңгәр һауаның, яҡты ҡояштың, туғандарҙың ҡәҙерен нығыраҡ белер өсөн.
Митингҡа балаларҙы ла алып килгәндәр. Уҡытыусылары тегеләрҙе быжғыта: бөгөн ҡайғы көнө, ә һеҙ көлөшөп-шаярышып тораһығыҙ.
Шаярһын-көлһөн балалар, барыһы ла, ысынында, улар өсөн дә, киләсәк уларға ҡала. Көлөү тауыштары тынмаһын да, һуғыштың нимә икәнен белмәһен.
