ПОМИДОР-ҺАҠСЫ

Ауылымды һағынып, уҡыуҙан һуң ял көндәренә ҡайтҡас, өләсәйем бер ҡыҙыҡ күрһәтәм, тип саҡырып алды. Мин инде өләсәй-олатайымды ла, өләсәйемдең тәмлекәстәрен дә һағынып, йүгерә һалдым уларҙың янына Зифа өләсәйем миңә былай, тип һөйләй башланы: «Бер көндө, баҡсала йәшелсәләр йыйып йөрөһәм, помидор араһында бер үҙенсә ҡыҙыҡ помидор таптым. Уның хатта күҙҙәре лә, танауы ла бар бит әле ул, кеше һымаҡ. Ысынлап та, «Помидор-һаҡсы» үҫкән дә ҡуйған. Өләсәйемдең йыл да помидорҙары уңа, ә быйыл бер помидорының уртаса ауырлығы 800 грамм булған. Өләсәйем шатлана: «Баҡса ла уңды, хатта «Помидор-һаҡсы» ла үҫте», - тип.

Ә һеҙҙә помидорҙар бармы? Помидорҙы ҡайҙа ҡуйырға баш ватып ултырһағыҙ, мин һеҙгә еңел генә ҡышҡылыҡҡа салат өйрәтәм. Уның өсөн кәрәк була: 2 кг помидор, 1 әсе борос, 1 стакан шәкәр, 2 аш ҡалағы тоҙ, 1 стакан көнбағыш майы, 1 кг баклажан, 1 сөсө борос һәм 1 аш ҡалағы уксусҡа 100 мг һыу ҡушаһың да, ҡаҙанда рәхәтләнеп 20 минут буйына ҡайнатаһың. Шундай еңел һәм бик тәмле салат була ҡышҡылыҡҡа.

Ашығыҙ тәмле булһын, баҡсаларығыҙҙа йәшелсәләр һәм һаҡсылар үҫеп торһон, тип кенә теләргә ҡала.

3-сө Башҡорт республика гимназия-интернатының 10 «Б» класы уҡыусыһы, «Рухи мираҫ» түңәрәге ағзаһы