+12 °С
Дождь
Все новости
Хаттар
15 Декабря 2017, 14:37
ИҪКӘ АЛДЫЛАР
Рәсәй тарихында иҫтәлекле дата - Ватан Геройҙары көнө уңайынан районыбыҙҙың Ғәзиз Әлмөхәмәтов музейында Иҫке Морапталда тыуып үҫкән Советтар Союзы Геройы Морат Ҡужаҡовты иҫкә алыу буйынса осрашыу үтте. Унда ҡаһармандың яҡташтары, яҡындары, ул уҡыған мәктәптә белем алған башланғыс синыфтар уҡыусылары һәм уҡытыусылар Р. Ҡужаҡова, Р. Бикбаева ҡатнашты.
Рәсәй тарихында иҫтәлекле дата - Ватан Геройҙары көнө уңайынан районыбыҙҙың Ғәзиз Әлмөхәмәтов музейында Иҫке Морапталда тыуып үҫкән Советтар Союзы Геройы Морат Ҡужаҡовты иҫкә алыу буйынса осрашыу үтте. Унда ҡаһармандың яҡташтары, яҡындары, ул уҡыған мәктәптә белем алған башланғыс синыфтар уҡыусылары һәм уҡытыусылар Р. Ҡужаҡова, Р. Бикбаева ҡатнашты.
Осрашыу музей тарихы, музей залдары менән танышыуҙан башланды. Һуғыш һәм хеҙмәт даны залында Морат Ғәлләм улына арналған күргәҙмә янында уның тормошо, наградалары һәм музейҙа һаҡланған әйберҙәре менән ентекләберәк таныштылар.
Осрашыуға ауыл модель китапханаһы хеҙмәткәре Земфира Дәүләтсурина килгән ине. Ул ҡунаҡтарҙы Герой балалар һәм улар тураһындағы китаптар күргәҙмәһе менән таныштырҙы.
Уҡыусылар ҙа буш килмәгән. Осрашыуға йәм өҫтәп, батырҙар тураһында шиғырҙар уҡынылар, матур йыр ҙа йырланылар. Уларға һәм өйрәткән уҡытыусыларына ҙур рәхмәтебеҙҙе белдерәбеҙ!
Осрашыуға килгән ҡунаҡтар Башҡортостан Республикаһы башлығының Гранты иҫәбенә яңыртылған этнография залын тәүгеләрҙән булып күреүгә иреште.
Яңы Мораптал ауылы
Автор фотоһы
Читайте нас:
© 2024 Юшатыр
Свидетельство о регистрации СМИ: ПИ ФС 02 - 01456 от 14.09.2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан Государственное унитарное предприятие Республики Башкортостан Издательский дом «Республика Башкортостан»
Баш мөхәррир М.М.Ильясов
Эл. почта
Адрес
Республика Башкортостан, г. Кумертау, ул. Комсомольская, д. 35
Редакция
8 (34761) 4-44-45