Юшатыр
-22 °С
Облачно
75 лет Победы
Все новости
Хаттар
31 Января 2021, 14:00

Рәхмәт, өләсәй!

Бала сағымды иҫкә төшөргән саҡта, мотлаҡ өләсәйем Мәрйәм Ҡобағошова хәтеремә килә.

Ауылдаштары, Мәрйәм Кинйәбулат ҡыҙына һоҡланып ҡарайҙар. Бәләкәй генә ауыл ҡатынында ниндәй көс булған? Әлеге көндә лә, оло йәштә булыуына ҡарамаҫтан, балаларына ауырлыҡ килтермәҫкә, мөмкин тиклем үҙ-үҙен ҡарарға тырышып йәшәй өләсәйебеҙ. Балалары, килен-кейәүҙәре хәстәрләп, матур итеп ҡарарға тырышалар үҙен.
Бөгөнгө көндә, өләсәйемдең ҙур шатлығы: 5 балаһы, 18 ейән-ейәнсәрҙәре, 26 бүлә-бүләсәләре бар, хатта 1 бүләсәренең улын күреү бәхетенә лә иреште. Һәр беребебеҙ, өләсәйебеҙҙе хөрмәт итеп, рәхмәтле булып, ҡәҙерләп йәшәйбеҙ.
90 йәшлек юбилейын ҡотларға килгән ҡунаҡтарын: «Алдағы юбилейыма ла килегеҙ»,- тип шаяртып, оҙатып ҡалғайны. Аллаға шөкөр, 95 йәшлек юбилейын да балаларының ҡәҙер-хөрмәтендә, ауылдаштарының иғтибарында ҡаршы алды. Көслө рухлы, көләс йөҙлө, яратҡан өләсәйебеҙгә беҙҙе шулай аҡыллы кәңәштәренән айырмай, тормошобоҙҙо йәмләп, иҫәнлек-һаулыҡта оҙон-оҙаҡ беҙҙең арала йәшәүен теләйбеҙ. Рәхмәт, һиңә, өләсәй, барыһы өсөн дә!

Фларис ХӨСӘЙЕНОВ
Күмертау ҡалаһы
Тулы материал 9-сы һанда баҫылып сыҡты.
Читайте нас в