Ай да Пушкин, ай да маладис

Рəфилə ХƏКИМОВА, Күмертау ҡалаһы:
- Рəхмəт инде барығыҙға ла, бик күңелле булды. Конкурсты ойоштороусыларға айырым рəхмəт, уңыштар барығыҙға ла!
Альбина ИСКƏНДƏРОВА, Яҡуп ауылы:
- “Юшатыр” һəр ваҡыт ҡыҙыҡлы, үҙенсəлекле конкурстар ойоштороп тора. А.С. Пушкин ижадын һөйөү бала саҡтан килə миндə. Өлəсəйем Аҙнабаева Майя Николай ҡыҙы уҡытыусы булараҡ, беҙгə рус шағирҙары ижадын бик күп уҡый торғайны. Шуға күптəре һаман иҫтə. Шулай уҡ, Абдул ауылы мəктəбендə уҡығанда төрлө хəтер кисəлəре ойошторола ине шағирҙар иҫтəлегенə. Шуға əйткем килə, балаларға бəлəкəй саҡтан уҡ ижадҡа һөйөү тəрбиəлəргə кəрəктер. Хəтер, аң белемен арттырыу өсөн. Ə “Юшатыр”ға һəм Рəүеф Тимерхан улына һаулыҡ, ғаилə именлеге, уңыштар рəхмəт, тип əйтəм. Эш бүлəктə генə лə түгел, шулай ҙа ныҡ күңелгə рəхəт булды. Саҡ ҡына донъя мəшəҡəттəренəн арынып, хистəргə бирелеп алдыҡ.
Рəмзиə АҘНАБАЕВА, Күмертау ҡалаһы:
- Ихтибарығыҙ, йылы һүҙҙəрегеҙ, изге телəктəрегеҙ һəм бүлəгегеҙ өсөн ҙур рəхмəт һеҙгə! Һəм əлбиттə Рəүеф ағайға ҙур рəхмəт! Һеҙ миңə бик яҡшы кəйеф бүлəк иттегеҙ. Мин һеҙгə тормошоғоҙҙа сəлəмəтлек һəм бəхет, даими креатив һəм төрлө фекерҙең даһилығы телəйем! Уңыштар һеҙгə һəм тағы ла яңы конкурстар, булып торһон.

Конкурс хаҡында һәм тәржемәселәрҙең шиғырҙары гәзиттә баҫылды.