Ир егеткәй менән ат башы

Ислам Мәзитов та, атаһы кеүек, бәләкәйҙән ат йәнле егет, үҙе атлай башламаҫ элек үк, атҡа атланды ул тип һөйләй ауыл халҡы. Иң яратҡан тоғро дуҫы - Шах. Дөлдөл әкиәттәрҙән ҡайтып төшкән Аҡбуҙат. 
Ислам әле 8-се класта ғына уҡыһа ла, район һабантуйындағы ат сабыштарында әүҙем ҡатнаша, республика кимәлендә үткән Терра Башкирии ярышында ла 2 йыл рәттән ҡатнашып өлгөрҙө ул. 
Егет күңелендә эйәрле ат ятыр, тиҙәр, Исламдың күңелендә лә ята ул - Шах. Йәнә лә шулай тип йырларға яратабыҙ : ҡайҙа ғына бармай, ниҙәр күрмәй ир-егеткәй менән ат башы. Һыбайлы Исламдың һәм уның дуҫының йөрөгән, барған-күргәндәре бары тик яҡшылыҡ булһын.