+22 °С
Ямғыр
конкурстар
11 Апрель 2022, 12:56
Наҙлы гөл
Беҙ ҡайындар ҡосаҡлап йөрөгән арала, редакцияла ҙур ҡунаҡ көтөп торған. Наҙгөл ҒӘББӘСОВА.
Наҙлы гөл
Бер үҙе генә килмәгән, әсәһен эйәртеп алып килгән. Конкурсыбыҙҙа ҡатнашты бит ҡыҙыҡай, ул көтә тигәс, тоттоҡ та ҡайтыу яғына ашыҡтыҡ - баланы көттөрөргә ярамай.
Наҙгөлдөң өйөндә бер түгел, ике йәнлек йәшәп ята - ташбаҡа, бесәй. Бесәйе ярар, күнеккән хайуан, ташбаҡаны алырға нисек баш етте - ата-баба баҡмаған кейек тә.
- Магазинда күреп ҡалды ла йәбеште - ал, - әсәһе һүҙгә ҡушыла.
Ҡыҙ һүҙен һүҙ итә, теләген тормошҡа ашыра торған кешегә оҡшаған, ҡаҙармалар бит улар, аҙ ғына һөйләштек, шуны тойҙоҡ. Афарин, беҙгә ныҡыштар ныҡ кәрәк.
- Өйҙә абзыйым көтөп ултыра, ул ҙур инде, 13 йәш, - тип барыһын һөйләп бөттө Наҙгөл. Ят кешене лә шунда уҡ үҙ итә, хатта бер аҙ иркәләнә башлай. Исемде белеп ҡушҡан әсәһе: наҙлы ғына гөл кеүек.
Ҡотлайбыҙ, йәнлектәреңде иркәләгән кеүек, яҙмыш та һине гел иркәләп кенә торһон йәме, Наҙгөл?
