+22 °С
Ямғыр
конкурстар
16 Апрель 2022, 03:42
Ергә ереккән егет
"Өйөбөҙ йәме "конкурсын үткәреүе анһатыраҡ булды ахры. Бүләктәрҙе таратыуы ҡыйыныраҡ - бөтәһе лә тиҙ генә килеп ала алманы.
Ергә ереккән егет
Ниңә улай икәнен кисә белдек.
Ислам Мәзитовты Ялсыҡай урамында тап иттек. Ашығып ҡайҙалыр китеп бара. Саҡ артынан ҡыуып еттек.
- Ваҡыт юҡ, - тине егетебеҙ, - эш күп.
Ауыл малайы бит ул, мал йәнле кеше, йорт-ҡура тирәһенән айырылып китә алмай. Тапшырҙыҡ бүләкте, йылтыр-мылтырға бик иҫе китеп бармай Исламдың, ергә ныҡлы аяҡ баҫып торған егет тә ул, шулай ҙа бүләк-бүләк инде, ҡыуанды: хужалыҡта ярап ҡалыр әле.
Конкурсантыбыҙҙы ихлас ҡотлайбыҙ, бик ышаныслы, ергә ереккән егет, барыһы ла һинең алда яҡшы булыр, Ислам. Шулай була күрһен.
