Юшатыр
-19 °С
Облачно
75 лет Победы
Все новости
Мәғариф
2 Декабря 2016, 03:42

БУШТЫҢ АТАҺЫ ҮЛДЕ

Ноябрҙең һуңғы көнөндә «1 декабрҙән аҙ тәьмин ителгән ғаиләлә тәрбиәләнгән балаларҙы мәктәптәрҙә бушлай ашатыу туҡтатыла»...

Ноябрҙең һуңғы көнөндә «1 декабрҙән аҙ тәьмин ителгән ғаиләлә тәрбиәләнгән балаларҙы мәктәптәрҙә бушлай ашатыу туҡтатыла», - тигән яҙыу был категорияға ингән һәр бер уҡыусының көндәлегендә урын алды. Былай ҙа ҡайҙан алып, ҡайҙа ҡуяйым, тигән ғаиләләргә тағы бер проблема өҫтәлеп, баштарына таяҡ менән һуғыуға бәрәбәр ине был хәбәр.

Аҙ тәьмин ителгән ғаиләлә йәшәүсе уҡыусылар көнөнә бер тапҡыр булһа ла мәктәптәрендә йылы аш ашау мөмкинлегенә эйә ине. Хәҙер инде, алдан хәбәр ҙә итеп тормайынса, шуны ла бөтөрҙөләр.

Хәлде «Мәғариф идаралығы» директоры Марина Коротченко былай аңлатты:

Бөгөн был һорау менән бик күп ата-әсә шылтырата. Ҡала хакимиәтенең 2016 йылдың 29 ноябрендәге 1978-се һанлы ҡарары нигеҙендә 1 декабрҙән аҙ тәьмин ителгән ғаиләләрҙәге балаларҙы мәктәптә бушлай туҡландырыуҙы туҡтатабыҙ. Был ҡарар ҡала бюджетында аҡса етерлек булмауы менән аңлатыла. Бюджеттың хәле үтә ҡатмарлы. Ошоға тик-лем булдыра алғансы, тырышып килдек. Шуны ла әйтергә кәрәк, ғаиләләргә бындай ярҙам күрһәтеү һәр ҡалала ла юҡ. Күп балалы ғаиләләрҙә тәрбиәләнгән балаларҙың туҡланыуы өсөн аҡса республика бюджетынан бүленә, шуға ла был категорияға ингәндәр бушлай ашауҙы дауам итәсәк. Шулай ҙа бик ныҡ ауыр тормош шарттарында ҡалған ғаиләләрҙең һәр береһенең хәлен ведомство-ара комиссия шәхсән рәүештә тикшергәс кенә, уларҙың ҡайһы берҙәренә ярҙам итергә тырышасаҡбыҙ. Әлеге көндә беҙҙә ундай 60 ғаилә иҫәпләнә.


Районда 600 күп балалы аҙ тәьмин ителгән ғаиләләрҙә тәрбиәләнгән уҡыусылар ғына республика бюджеты аҡсаһына бушлай туҡлана. Уларҙы ашатыу өсөн көнөнә 45 һум аҡса бүленә. Йылы аш менән тәьмин ителмәгән башланғыс мәктәптәрҙә уҡыған уҡыусылар бындай ярҙамды аҡсалата йә аҙыҡ-түлек менән ала. Башҡа мәктәп балаларына респуб-лика бюджетынан көнөнә 1 һум 73 тин дотация бирелә. Аҙ тәьмин ителгән, әммә күп балалы булмаған ғаиләләрҙә үҫкән балаларға районда бушлай туҡланыу юҡ.
Читайте нас в