ӨФӨНӨ БЕР ИТЕП ҠАЙТТЫҠ

4 декабрь Республика политехник лицей-интернаты тәрбиәләнеүселәре Өфөгә сәйәхәт ҡылды.

М. Ғафури исемендәге Башҡорт академия драма театрында М. Ғафуриҙың «Ҡара йөҙҙәр» әҫәре буйынса ҡуйылған спектаклде мәктәп уҡыусылары өсөн Бөтә донъя башҡорттары ҡоролтайының йәштәр советы ойошторҙо. Лицейҙың уҡыуҙа һәм йәмәғәт эшендә алдынғы әүҙем уҡыусылары ошо спектаклде күреү бәхетенә иреште. Спектаклдән һуң лицейсылар Башҡортостан Республикаһының Милли музейында экскурсияла булды.