ТӘҮГЕ ҠЫҢҒЫРАУ СЫҢЫ

1 сентябрҙе һәр беребеҙ тулҡынланып ҡаршы ала: беренсе тапҡыр 1-се класҡа барыусы ҡыҙҙар һәм малайҙар ҙа, өлкән синыф уҡыусылары ла, ата-әсәләр ҙә. Улар барыһы ла, ҡулдарына сәскәләр тотоп, уҡыу йортона ашыға. Район буйынса быйыл 1-се класҡа 252 уҡыусы барасаҡ. Былтыр уларҙың һаны 273 ине. Ҡала буйынса быйыл 1-се класҡа 1-се тапҡыр 752 ҡыҙ һәм малай барһа, былтыр улар һаны 834 булған. Тәүге ҡыңғырау сыңы байрамы яҡшы, әлбиттә, тик беренсегә барыусы балалар һаны кәмеүе генә күңелде ҡыра.