БАР ЫШАНЫС – ЕРМОЛАЕВО УҠЫУСЫЛАРЫНДА

Уйындарҙа 3-4-се синыфтар уҡыусыларынан төҙөлгән 4 команда: 2-се һанлы Ермолаево урта мәктәбенең «Хәрби балалар», Бахмут мәктәбенең «Һаҡсылар», Павловка мәктәбенең «Экипаж», Яңы Мораптал мәктәбенең «Морячки» командалары ҡатнашты. Улар ҡаршылыҡ һыҙаттарын үтеү, велосипед йөрөтөү, ориентир, юл хәрәкәте хәүефһеҙлеге, экология, капитандар конкурсы, роботтар техникаһы буйынса ярышты.

Уйын һөҙөмтәләре буйынса 1-се урынға 2-се һанлы Ермолаево урта мәктәбе уҡыусылары, 2-се урынға Бахмут мәктәбенең «Һаҡсылар»ы сыҡты, 3-сө урынды Павловка мәктәбе уҡыусылары яуланы, 4-се урынды Яңы Мораптал мәктәбенекеләр алды.

Был ярыш район кимәлендә үтте. Беренсе урынды алған Ермолаево уҡыусылары командаһы Күмертауҙа үтәсәк зона ярыштарында Көйөргәҙе районы исеменән сығыш яһаясаҡ.