Барыбыҙ ҙа һынау алдында

Уҡыу йылының һуңғы сиреге уҡытыусылар, уҡыусылар, атай-әсәйҙәр өсөн көтөлмәгәнсә башланды. Коронавирусҡа бәйле сикләүҙәр индерелеүе уҡыу программаһын интернет селтәре аша үҙләштерергә мәжбүр итә. Дистанцион уҡыуҙың икенсе аҙнаһы бара. Аллабирҙе урта дөйөм белем биреү мәктәбе уҡытыусылары ла мәктәп балалары менән дәрестәрҙе алып бара. ZOOM аша кереп онлайн дәрестәр үткәреп кенә ҡалмай, өй эштәрен тикшерә, баланың белемен баһалай. Ошо ҡатмарлы осорҙа ата-әсәнең аңлы ярҙамы бик кәрәк.