Ырымбур өлкәһенең Новосергеевка районынан Ҡотос һәм Мерәҫ, Ҡыҙыл гвардия районының Дауыт Юлтый исемендәге, Һарыкташтың Һунарсы ауылы мәктәптәре араһында Төйлөгән районы Аллабирҙе дөйөм белем биреү мәктәптәренән 8-се класс уҡыусылары Венера Хисамова, Элина Баймырҙина, 11-се класстан Ансар Бикәнәев менән Гүзәл Мөхәмәтшина ҡатнашып 3-сө турҙа үҙҙәренең көсөн һынаны.
Гүзәл Мөхәмәтшина олимпиадала 4-се йыл ҡатнашып, өсөнсө йыл туған мәктәбенә еңеү алып ҡайтты. Уның туған телде яҡшы белеүендә өләсәһе Мәрфуғаның өлөшө зур.