Шулай ҙа, ниндәй ҙә булһа тантанала, нисек кенә булмаһын, кемгәлер ҡулды нығыраҡ сабалар. Башҡалар, үпкәләһә үпкәләй, әммә донъя шулай ҡоролған - кемдер, тимәк, халыҡ ихтирамына күберәк лайыҡлы.
БРГИ-ла "Йыл ҡаҙанышы" номинацияһын йәнә бер кеше алды. Флүзә Юламанова. Директор урынбаҫары. Хәйер, вазифаһын әйтмәһәң дә була, Флүзә Шәкүр ҡыҙын кем белмәй? 27 йыл педагогик стаж, ошо сама ваҡыт БРГИ-ла, кемдер, түҙмәй, күҙ йәштәрен һөртөп алды. Шатлыҡтан, бәлки, һағыштандыр....
Ҡотлайбыҙ, Флүзә Шәкүр ҡыҙы, Йыл ҡаҙанышы тигәне, беҙҙеңсә, саҡ ҡына дөрөҫ булманы, БРГИ ҡаҙанышы йәки ғорурлығы тигән исем нығыраҡ килешер һымаҡ ине.