ЯҠШЫМБӘТТӘР - ЯҠУТТА

Күптән түгел Яҡут ауылына Яҡшымбәт ауылының һәүәҫкәр артистары «Йөрәктәрҙә ҡалһын йырҙарыбыҙ» исемле концерт менән килеп киттеләр.

Ике ауыл араһында йыл да тип әйтерлек шулай бер-беребеҙгә «ҡунаҡҡа» йөрөшөү матур йолаға әйләнде. «Юшатыр» гәзите аша барлыҡ тамашасылар исеменән матур, йөкмәткеле программа төҙөп алып килгән Яҡшымбәт мәҙәниәт йорто хеҙмәткәрҙәренә, шулай уҡ моңло йырсыларына, дәртле бейеүселәренә оло рәхмәттәребеҙҙе еткергебеҙ килә. Уларҙың барыһына ла уңыштар, ғаилә именлеге, ижади уңыштар теләйбеҙ. Артабан да шулай араларҙы һыуытмай бергә йәшәйек, күршеләр.