+26 °С
Облачно
Мәҙәни мөхит
18 Апреля 2021, 03:45
Күңеле йыһан гиҙә
Сәйфуллина Ләйсән. Ҡалта ауылы. Салауат ҡалаһы тип өҫтәһәк тә була, ҡыҙыбыҙ әле шунда уҡып йөрөй. Уҡып ғына тынысланмай, төрлө сараларҙа ҡатнаша. Юшатыр алдан яҙғайны, Ләйсән Һылыуҡай конкурсында сығыш яһай, Йыһанға осорға йыйына тип.
Бына үтте конкурс, Ҡалта ҡыҙы был бәйгелә "Юғары оҫталыҡ" номинацияһына лайыҡ тип табылды. Гран-При алмағанына Ләйсән ҡайғырып ултыра тиһегеҙме, көтөгөҙ, беҙҙең ҡыҙҙар ебек түгел. Ҙур тәжрибә тупланым ти Л. Сәйфуллина, тормошта был бик кәрәгәсәк әле.
Ҡотлайбыҙ, Ләйсән, беҙ беләбеҙ: һинең күңелең барыбер йыһандар гиҙә, Ҡалта һәм Салауатта ғына бикләнеп ҡала торған күңел түгел ул.
