+21 °С
Дождь
Мәҙәни мөхит
2 Мая 2021, 02:15
Ҙур халыҡ
Яҡут - бәләкәй генә ауыл, янындағы ҙур Мораптал янында, нисектер, юғалып ҡалырға тейеш һымаҡ. Ғәҙәттә шулай була: ауыл хакимиәте урынлашҡан ауыл ҙурыраҡ, бөхтәрәк була, иғтибар ҙа шул үҙәккә күберәк бүленә, ситтәге бәләкәстәр мыжый башлай: бөтәһе лә силсәүит ултырған ауылға, ә беҙгә ҡайҙа?
Ә Яҡутты мыжытырһың. Береһенә лә мах бирмәй, хатта бәғзеләрҙе уҙҙырып, йәшәп ята. Телевидение кемгә килә - Яҡутҡа, гәзиттә иң күбе кемде яҙалар- яҡуттарҙы, аҡсаны услап-услап кемгә бирәләр - уларға инде, кемгә булһын.
Тағы ла бер күҙәтеү: бәләкәй ауыл тиең, ә берәй сара үткәрер булһалар, Өфөнөң үҙәк урамында үткән байрам һымаҡ - халыҡ күп, һәр береһе артист. Бына әле лә байрамға концерт ойошторғандар. Йырсы, ҡурайсы, бейеүселәре шул тиклем күп, башҡаланан филармония килеп төшкән, әйтерһең. Тамаша ғәләмәт булған, уның башҡаса булыуы мөмкинме ни? Бәләкәй түгел, яҡуттар - ҙур халыҡ.
