Сәхнә булды, ә Һабантуй?

Мәҙәниәттең бынау егеттәре көн томраһында тирләп-бешеп эшләп йөрөй. Шулай ҙа кәйфтәре шәп. Уларға сәхнә алып ҡайттылар. Миллион һумға яҡын торған сәхнә. Быға илереп ҡыуанырға кәрәк, башҡа райондар бындайҙы күптән алып бөткән, Көйөргәҙе генә һемәйеп ҡалған. Бына алғандар - күсереп йөрөтә, тиҙ генә ҡоролоп ҡуйыла торған сәхнә. Түбәнге Новгородтың үҙенән. Әле ошо боронғо ҡаланан инструктор һымаҡ кеше лә килгән - сәхнәне төҙөп күрһәтергә, ҙур ул. Башында ҡыйығы ла бар. Һабантуйға, юҡһа, йыл да таҡта-тоҡта һатып алып яфалан инеләр, ә былай, сығарҙың да ҡуйҙың. Шотт паркына ла алып барғанда була. Ауылдарға бирәләрме, кәрәкһә? Юҡ. Йә емереп бөтөрҙәр.