ИЖАДЫ ӨЛГӨРГӘН САҠ

Унда шағирәнең ҡәләмдәштәре, Күмертау педагогия колледжы студенттары һәм уның ижадын үҙ итеүселәр ҡатнашты. Мәҙәни сараны Күмертау яҙыусылар ойошмаһы рәйесе Рима Арыҫланова менән үҙәк китапхананың милли әҙәбиәттәр бүлеге ойошторҙо.

Хәлиҙә Солтанғолова – бер нисә поэтик китап авторы. Ул әҫәрҙәрендә тыуған яҡ, атай-әсәй, балалар, кешенең йәшәү мәғәнәһе кеүек мәңгелек ҡиммәттәр тураһында фекерҙәрен китап уҡыусыларға еткерергә тырыша. Шағирә үҙе тураһында һөйләп үтте, шиғырҙарын уҡып ишеттерҙе. Ә инде Хәлиҙә Алтынбаеваның ҡәләмдәштәре: яҙыусылар Кинйәғәли Абдуллин, Закир Акбәров, Исмәғил Аҡъюлов, журналистар Эльфрида Талипова, Тәлғәт Шаһманов уның ижады тураһында бик күп йылы һүҙҙәр, үҙҙәренең кәңәш-теләктәрен әйтте. Уны Башҡортостан Яҙыусылар союзына ағзалыҡҡа ҡабул итеү тураһында ла һүҙ ҡуҙғатылды. Әле ижады ныҡлы өлгөргән саҡ, тине был хаҡта ҡәләмдәштәре. Шағирәнең яҡташы Нәбил Шәрәфетдинов Хәлиҙә Солтанғолова шиғырына үҙе яҙған йырҙы башҡарып сараны йәмләне.