Күп балалы ғаиләләргә ярҙам.

“Торлаҡ” милли проекты сиктәрендә 25 сентябрҙән күп балалы ғаиләләрҙән ипотеканы компенсациялауға ғаризалар ҡабул ителә башлай. Тап ошо көндө РФ Хөкүмәте ҡарары үҙ көсөнә инә һәм ошо мәлдән торлаҡ һатып алыуға аҡса биргән банкка ипотека кредитының бер өлөшөн иҫәптән сығарыу хаҡында ғариза яҙырға мөмкин.

450 мең һумға тиклем компенсацияға 2019 йылдың 1 ғинуарынан алып 2022 йылдың 31 декабренә ҡәҙәр арауыҡта тыуған өсөнсө һәм унан артабанғы балалы ғаиләләр дәғүә итә. Тағы шуныһы иғтибарға лайыҡ: программала кредит һәм кредит ойошмаһы булмаған, ипотека агенты, ипотека кредиты биргән башҡа юридик берәмектәр аша торлаҡлы булыусылар ҡатнаша ала.