Төрлө телдә яңғыраны

Район ауылдарында бер-бер артлы «Йырсы ауыл» республика конкурсының һайлап алыу турҙары үтә. Үткән аҙнала ул Керәүле-Илюшкин мәҙәниәт йортонда ла үтте. Бында Керәүле, Павловка һәм Кинйәбай ауылдарының үҙешмәкәр йырсы коллективтары, халыҡ ансамблдәре, эстрада оҫталары һәм айырым башҡарыусылар ҡатнашты. Был көндө һәр сығыш яһаусы башҡорт, татар, сыуаш телдәрендә үҙенең үҙенсәлекле талантын күрһәтергә тырышты.