Ишара

Мәктәп яңы, бында барыһы ла заманса, ҡала мәктәптәре көнләшерлек, ә ҡыңғырауы боронғо. Йәғни, башҡа уҡыу йорттарындағы кеүек кнопкаға баҫып зыңғырлата торған ҡыңғырау түгел. Беҙ бәләкәйҙән өйрәнгән, ҡул менән болғап тәнәфескә саҡыра торған, күңелгә ныҡ яҡын еҙ ҡыңғырау. Меценаттың электр менән тоҡана торған яңы ҡыңғырау ҡуйырға аҡсаһы етмәнеме икән? Юҡ, әлбиттә, ул ҡыңғырауҙы юрамал шулай ҡалдырғандыр: тауышы ысын, тәбиғи булһын. Бында уҡыған балалар ҙа ысын кеше булып үҫеп етһендәр тигән ишараһылыр. Шулай була күрһен.